Xosiyat Rustamovaning uchta kitobi — “Oʻn uchinchi oy” Meksikada, “Rangli koʻzyoshlar” Londonda, “Meni yuraklardan top” AQSHda koʻp ming nusxada nashr etilgan.

Maʼlumot uchun, Xosiyat Rustamova 1971-yil 19-martda Namangan viloyati, Chust tumanidagi Olmos qishlogʻida tugʻilgan. ToshDUning jurnalistika fakultetini tamomlagan (1993). “Osmondagi uy” (1997), “Najot” (2003), “Rido” (2004), “Devor” (2006) kabi sheʼriy toʻplamlari nashr etilgan. M. Svetayeva, A. Axmatovaning ayrim sheʼrlarini oʻzbek tiliga tarjima qilgan. “Shuhrat” medali bilan taqdirlangan (2004).