Raqamli texnologiyalar vazirligida tahrirlovchi.uz elektron dasturining taqdimoti oʻtkazildi.

Ushbu veb-resursda:

matnni kirill yozuviga asoslangan oʻzbek alifbosidan lotin yozuviga asoslangan oʻzbek alifbosiga yoki aksiga tezkor va bexato oʻtkazish;

matndagi xatoni aniqlash, xato yozilgan soʻz oʻrniga toʻgʻrisini tanlash mumkin.

Bundan tashqari, raqamni matnga aylantirish, kirill alifbosidagi fayllarni lotinga oʻtkazish, rasmdagi matnni oʻqish xizmatlari mavjud.

Tizim bazasiga Oʻzbek tilining oʻquv imlo lugʻatidagi  25000dan ortiq, Oʻzbek tilining izohli lugʻatidagi 80000dan ortiq soʻz kiritilgan.

Eslatib oʻtamiz, ushbu loyiha Prezidentimizning “Mamlakatimizda oʻzbek tilini yanada rivojlantirish va til siyosatini takomillashtirish chora-tadbirlari toʻgʻrisida” 2020-yil 20-oktabrdagi Farmoni asosida Oʻzbek tilini rivojlantirish jamgʻarmasi hamda “UZINFOCOM” yagona integrator» MCHJ tomonidan amalga oshirilgan.