Maʼlumki, joriy yil 4-sentyabrdan OTMlarda oʻquv mashgʻulotlari boshlanadi. Natijada shahar jamoat transportiga boʻlgan talab oshadi. Mazkur talabni qondirish uchun olib borilayotgan ishlar yuzasidan “Toshkent metropoliteni” DUK matbuot xizmati OʻzAga maʼlumot bergan.

Metrodan foydalanishda yoʻlovchilarga yanada qulaylik yaratish maqsadida mavjud ichki resurslardan maksimal darajada foydalangan holda vaqt oraliqlari qisqartirilishi rejalashtirilgan. Masalan, tigʻiz vaqtlarda Chilonzor yoʻnalishida 1,5 daqiqalik, Oʻzbekiston yoʻnalishida esa 3-3.5 daqiqalik hamda Yunusobod yoʻnalishida esa, 5 daqiqalik intervalda poyezdlar harakati yoʻlga qoʻyiladi.

Avvalroq 26-avgustdan Toshkent metropolitenining “Yunusobod” va “Turkiston” bekatlari 4 oyga yopilishi xabar qilingan edi.