Shavkat Mirziyoyev Ilhom Aliyev taklifiga binoan 22-avgust kuni davlat tashrifi bilan Ozarbayjonga jo‘nab ketdi.

Prezident matbuot xizmatining xabar qilishicha, tashrif dasturiga muvofiq, Boku shahrida tor va kengaytirilgan tarkibda oliy darajadagi muzokaralar bo‘lib o‘tadi. Muzokaralar yakunida ikki tomonlama bitimlar qabul qilinishi rejalashtirilgan.

Birgalikda Fuzuliy va Shusha shaharlariga tashrif buyurish, davlat rahbarlari ishtirokida boshqa tadbirlar o‘tkazilishi ko‘zda tutilgan.