Juma va dam olish kunlari Oʻzbekiston hududi boʻyicha quruq va kam bulutli ob-havo saqlanib turadi. Bu haqda Oʻzgidromet xabar berdi.

Oʻzbekistonda hafta oʻrtasidan boshlab salqin havo chekina boshladi va harorat asta-sekin koʻtarildi.

18-avgust, juma kuni va 19−20-avgust — dam olish kunlari Oʻzbekiston boʻyicha harorat yana 1−2 darajaga koʻtariladi va kechalari +18…+20 daraja, kunduz kunlari +35…+37 daraja atrofida, shimolda, janubda va choʻl hududlarda +38…+39 darajagacha boʻladi.

Bunday harorat avgust oyi oʻrtasi uchun boʻlgan meʼyoriy qiymatlarga yaqin va eng issiq yillarda avgust oyida Oʻzbekiston hududi boʻyicha kuzatilgan haroratdan nisbatan past.

20-avgust kuni shimolda va choʻl hududlarda baʼzi joylarda shamol tezligi 15−20 m/s gacha kuchayishi, ayrim joylarda chang-toʻzon bilan kuzatilishi mumkin.