25-noyabr kuni Toshloq tumanidagi “Oltiariq gaz toʻldirish” MCHJning avtomobillarga suyultirilgan gaz toʻldirish shoxobchasida gaz-havo aralashmasining chaqnashi natijasida 5 nafar xodim tan jarohati olgan.

Xodimlarning eng kattasi 1959-yilda, eng kichigi 1995-yilda tugʻilgan boʻlib, Respublika shoshilinch tibbiy yordam ilmiy markazi Fargʻona filialiga davolanish uchun yotqizilgan. Ushbu holat boʻyicha tuman hokimi qarori bilan baxtsiz hodisa sabablarini oʻrganish hamda oqibatlarini bartaraf etish uchun komissiya tarkibi tasdiqlangan.