Joriy yil 14-avgust kuni Oliy taʼlim, fan va innovatsiyalar vaziri Ibrohim Abdurahmonov Toshkent shahrida joylashgan oliy taʼlim muassasalari rektorlari va prorektorlari bilan uchrashib, talabalar turar joylari masalasini muhokama qildi. Bu haqda vazirlik axborot xizmati xabar berdi. 

“Yigʻilishda tayyorlangan yotoqxonalar yongʻin xavfsizligi, qishga tayyorgarlik darajasi, liftlari (mavjud boʻlsa) sozligi va sertifikatsiyalanganligiga alohida urgʻu berilishi lozimligi belgilandi. Universitet hududlarida talabalarni yotoqxonalar va ijara uylariga joylashtirish markazlarini yoʻlga qoʻyishga, ularda lider talabalar hamda tyutorlarning faoliyatini tashkil qilishga kelishib olindi”, deyiladi xabarda.