Sirdaryo viloyati Xovos tumanida 17 yashar qiz bedarak yoʻqoldi. Bu haqda viloyat IIB axborot xizmati xabar berdi.

Qayd etilishicha, Xovos tumani, “Binokor” mahallasidagi uylarning birida yashagan 2006-yilda tugʻilgan maktab oʻquvchisi Manzura Hakimova 2023-yil 24-iyul kuni uyidan chiqib ketib bedarak yoʻqolgan.

Uni topishda koʻmaklashgan fuqarolar 5 million soʻm pul mablagʻi bilan mukofotlanadi hamda maʼlumot bergan shaxslarning shaxsiga oid maʼlumotlari sir saqlanishi kafolatlanadi.

Alohida belgilari: boʻyi 160-165 sm, sochi uzun, koʻzlari qora yumaloq, labi, burni va quloqlari oʻrtacha kattalikda, yuzi choʻzinchoq, bugʻdoy rang. Egnida oq rangli ayollar koʻylagi bor, oyogʻida koʻk rangli tapochka boʻlgan.

Ushbu shaxs haqida maʼlumotga ega boʻlgan fuqarolardan quyidagi telefon raqamlariga murojaat qilishlari soʻralgan: 102, 91-807-77-37, 97-331-74-18, 67-225-55-52.