Ijtimoiy tarmoqlarda Toshkent shahri, Yunusobod tumani, “Ahmad Donish” mahallasidagi qurilish kompaniyasi ishchisi ichimlik suvida mashina yuvayotgani tasvirlangan xabar tarqaldi.

Holat Ekologiya vazirligi Toshkent shahri boshqarmasi tomonidan oʻrganib chiqilgan va ishchiga nisbatan Maʼmuriy javobgarlik toʻgʻrisidagi kodeksning 72-moddasiga (Suv resurslarini muhofaza qilish qoidalarini buzish) binoan maʼmuriy bayonnoma rasmiylashtirilib, jarima belgilangan. Biroq xabarda jarima miqdori keltirilmagan.

Bunday holat qayta sodir etilmasligi yuzasidan fuqaroga davlat inspektorlari tomonidan qatʼiy ogohlantirish berilgani qoʻshimcha qilingan.