Toshkent viloyati Qizil togʻ qoʻrgʻoni “Fayzobod” mahalla fuqarolar yigʻini Usmon Nosir koʻchasida joylashgan “Sayyid ota” jome masjidining yangi binosi qurilishiga ilk gʻisht qoʻyish marosimi boʻlib oʻtdi.

Tadbirda Oʻzbekiston musulmonlari idorasi raisining birinchi oʻrinbosari Homidjon domla Ishmatbekov, Toshkent viloyati bosh imom-xatibi Jasurbek domla Raupov, mahalla faollari, nuroniylar otaxonlar ishtirok etdi.

Masjidning yer maydoni va ayni paytda qurilish davom etayotgan hudud 25 sotixdan iborat. Zamonaviy masjidga hamohang tarzda imom-xatib, noib, mutavalli xonalari hamda qorovulxona ham bunyod etilmoqda.

Barcha shart-sharoitga ega jomega mos tarzda tahoratxona ham qad rostlayapti.

Namozxonlar uchun qulaylik yaratish maqsadida avtoturargoh ham qurilyapti.