Maktabgacha taʼlim vazirligida OАV vakillari uchun “Maktabgacha taʼlim sohasidagi islohotlar samarasi 4 yil ichida” mavzusida ochiq muloqot hamda 9-dekabr “Xalqaro korrupsiyaga qarshi kurashish kuni” munosabati bilan vazirlikda “Ochiq eshiklar kuni” tashkil etildi.

Muloqotda maʼlumot berilishicha, Oʻzbekistonda istiqomat qilayotgan 35 mln aholining 2,8 millioni 3 yoshdan 7 yoshgacha boʻlgan bolalar. Bunda aholining yillik oʻsishi 800 ming bolaga toʻgʻri keladi.

2020-yilda maktabgacha yoshdagi aholining 64,9 foizi maktabgacha taʼlim bilan qamrab olindi.

“Oʻzbekiston Respublikasi Maktabgacha taʼlim tizimini 2030-yilgacha rivojlantirish konsepsiyasini tasdiqlash toʻgʻrisida”gi Oʻzbekiston Respublikasi Prezidentining qaroriga muvofiq, 2030 yilga kelib maktabgacha taʼlimga bolalarning 80,8 foizini qamrab olish rejalashtirilgan.