Oʻzbekiston davlat sanʼat va madaniyat instituti boʻlim boshligʻi qoʻlga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.

Maʼlum qilinishicha, Bosh prokuratura huzuridagi departamentning Toshkent shahar boshqarmasi tomonidan Davlat xavfsizlik xizmati xodimlari bilan hamkorlikda tezkor tadbir oʻtkazilgan.

Unda, Oʻzbekiston davlat sanʼat va madaniyat instituti boʻlim boshligʻi, 2023-2024-oʻquv yili uchun qabul komissiyasi masʼul kotibi A.Oʻ. fuqaro J.S.ni ushbu institutga oʻqishga kiritib qoʻyish evaziga 5 000 AQSH dollari pora talab qilib, shundan 4 800 AQSH dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 210-moddasi (pora olish) bilan jinoyat ishi qoʻzgʻatilib, tergov harakatlari oʻtkazilmoqda.