“Oʻzgidromet” yozning soʻnggi oyi uchun ob-havo prognozini eʼlon qildi.

Dunyoning yetakchi prognostik markazlari hisob-kitoblarini jalb qilgan holda, “Oʻzgidromet” tomonidan tuzilgan dastlabki baholash boʻyicha 2023-yilning avgust oyi oʻrtacha issiq boʻladi.

Oyning dastlabki besh kunligida maksimal havo harorati 35-40 daraja atrofida boʻladi, soʻngra harorat foni 33-38 darajagacha pasayadi.

Keyinchalik avgust oyi oʻrtacha koʻp yillik qiymatlarga yaqin boʻlishi kutilmoqda.

Kunduz kunlari harorat asosan 33-38 daraja atrofida, ayrim kunlarda 40 darajagacha issiq boʻlishi kutilmoqda. Oyning ikkinchi yarmida harorat 30-33 darajagacha qisqa muddatli davrga pasayishi mumkin.

Faqat respublikaning ayrim, asosan togʻoldi va togʻli hududlarida qisqa muddatli yomgʻir yogʻishi kutilmoqda.

Oyina.uz'ni Telegramda oʻqing!