Toshkentning ayrim hududlarida 31-iyul kuni elektr energiyasi taʼminoti vaqtincha toʻxtatiladi.

“Hududiy elektr tarmoqlari” AJ Toshkent shahar filiali axborot xizmatining xabar berishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik koʻrish maqsadida ertaga, 31-iyul kuni quyidagi manzillarda elektr taʼminoti vaqtincha oʻchiriladi:

Sergeli tumani: “Eski Jaloir” MFYning ayrim koʻchalarida soat 10:00 dan 16:00 gacha;
Yangihayot tumani: “Mashʼal” (Ibrat) MFYning ayrim koʻchalarida soat 10:00 dan 16:00 gacha.

Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi qayd etilgan.