Fargʻona shahrida Prezident Shavkat Mirziyoyev ishtirokida Ichki ishlar vazirligining kengaytirilgan hayʼat yigʻilishi boʻlib oʻtmoqda.

Unda mamlakatimiz boʻyicha kriminogen vaziyat murakkab boʻlgan, “qizil” toifaga kiritilgan mahallalar eng koʻp Toshkent shahri, Fargʻona, Qashqadaryo, Buxoro va Namangan viloyatlariga toʻgʻri kelgani koʻrsatib oʻtildi.

Oʻtgan olti oyda mahalladagi oʻta ogʻir va ogʻir jinoyatlar Fargʻona, Toshkent viloyati, Toshkent shahri, Buxoro, Andijon, Qashqadaryo viloyatlarida eng koʻp sodir etilgan.

Fargʻona shahrida oʻgʻrilik, Namangan shahrida bezorilik, Qoʻqon shahrida tan jarohati, Samarqand shahrida nomusga tegish va tovlamachilik, Mirobod tumanida qotillik koʻp yuz bergan.