Bugun Fargʻona shahrida Ichki ishlar vazirligining kengaytirilgan hayʼat yigʻilishi boʻlib oʻtadi. Unda prezident Shavkat Mirziyoyev ishtirok etadi. Bu haqda davlat rahbarining matbuot xizmati xabar berdi.

Eslatib oʻtamiz, Shavkat Mirziyoyev kecha boʻlib oʻtgan videoselektor yigʻilishida bir qator fargʻonalik amaldorlarni ishdan olgandi.

Jumladan, faoliyatida yoʻl qoʻygan kamchiliklar uchun Fargʻona viloyati ichki ishlar boshqarmasi boshligʻi Muhiddin Joʻrayev lavozimidan ozod etilib, uning oʻrniga Azizbek Ikromov tayinlangandi.