Ijtimoiy tarmoqlarda 32 yoshli ayol liftda qamalib, vafot etgani haqida xabar tarqalmoqda. Keltirilishicha, voqea 24-iyul kuni Parkent koʻchasidagi yangi qurilgan uylarning birida sodir boʻlgan.

Shu kuni elektr taʼminoti uzilgan va ayol liftda eng soʻnggi qavatda qamalib qolgan. Yangi uyga koʻchib oʻtganlar koʻp boʻlmagani uchun, qoʻshnilar uni eshitmagan.

Hech kim yordamga kelmagach, vafot etgan ayol 27-iyul kuni kechasi jonsiz holda topilgan.

Maʼlum qilinishicha, Bosh prokuratura Toshkent shahridagi yangi binolardan birida 32 yoshli ayolning oʻlimi sabablari va sharoitlarini oʻrganmoqda. Natijalar haqida xabar qilinadi.