Bugun, 27-iyul kuni OFKning Kuala-Lumpurdagi bosh qarorgohida 2026-yilgi jahon chempionati va 2027-yilgi Osiyo kubogi turniri qoʻshma saralash bosqichiga qurʼa tashlash marosimi boʻlib oʻtdi.

Unga koʻra, Oʻzbekiston milliy jamoasi 2-bosqichda Ye guruhida Eron, Turkmaniston va Gongkong/Butan juftligi gʻolibi bilan bahs olib boradigan boʻldi.

Terma jamoamiz dastlabki oʻyinini 16-noyabr kuni Turkmanistonga qarshi safarda oʻtkazadi. 21-noyabr kuni boʻladigan ikkinchi turda Eron Oʻzbekistonga keladi.

Har bir guruhdan 1-2-oʻrinlarni egallagan jamoalar 3-saralash bosqichiga yoʻl oladi.