“Oʻzbekiston temiryoʻllari” AJ jazirama issiq tufayli poyezdlar harakat tezligiga cheklovlar oʻrnatilishini eʼlon qildi.

“Respublikamiz hududida keskin anomal issiq ob-havo kuzatilmoqda. Natijada yerusti temiryoʻllarining relslari hamda ularning poʻlat qismlarida harorat juda yuqori boʻladi. Shu bois, yoʻlovchilar va poyezdlar harakat xavfsizligini taʼminlash maqsadida, poyezdlar harakat tezligiga cheklovlar oʻrnatiladi. Shu bois poyezdlar harakat jadvalidan kechikib harakatlanishi mumkin”, deyiladi xabarda.

Harakat tezligiga cheklovlar oʻrnatilgan poyezdlarda sovitish tizimining ishlash quvvati pasayishi mumkinligi ham aytilmoqda.

Cheklovlar qachongacha amal qilishi xabarda keltirilmagan.