2023-yilning 1-iyul holatiga Oʻzbekiston doimiy aholisi 36 372 276 kishini tashkil etyapti.

Prezident huzuridagi Statistika agentligi maʼlumotlariga koʻra, respublikaning doimiy aholisi soni oʻtgan yilning mos davri bilan solishtirilganda 2,2 foizga oshgan.

Mamlakat aholisi 2023-yil boshidan buyon 347,3 ming kishiga koʻpaygani qayd etilmoqda. Oʻzbekiston aholisi 2023-yilning har bir oyida oʻrtacha 57,9 ming kishiga oshgan.

2023-yilning har bir kunida doimiy aholi soni oʻrtacha 1,9 ming kishiga koʻpaymoqda.