Narzullo Oblomurodov Toshkent moliya institutining ilmiy ishlar va innovatsiyalar boʻyicha prorektor lavozimiga tayinlandi. Bu haqda institut saytida maʼlum qilindi.

“Toshkent moliya instituti kuzatuv kengashi qarori bilan iqtisod fanlari nomzodi, dotsent Oblomurodov Narzullo Naimovich Ilmiy ishlar va innovatsiyalar boʻyicha prorektor lavozimiga tayinlandi”, deyiladi rasmiy xabarda.

Maʼlumot uchun, Narzullo Oblomurodov 2021-yilning 1-fevralida Ekologiya partiyasining raisi etib saylangan. 2021-yil 24-oktyabr kuni oʻtkazilgan Prezident saylovida Ekopartiyadan nomzod sifatida koʻrsatilgan. U jami saylovchilarning 4,1 foizi ovozini toʻplagan.