Xorijiy tillar boʻyicha yuqori natija erishgan yoshlarga 30 mlrdan ortiq summa qoplab berildi, deb yozadi Yoshlar ishlari agentligi direktori Alisher Saʼdullayev.

2021-yil 1-maydan 5 turdagi, 2022-yil 1-yanvardan 13 turdagi (jami 18 turdagi) xalqaro imtihon tizimlarida yuqori natijaga erishgan yoshlarning imtihon xarajatlari qoplab berilmoqda. Bugunga qadar mazkur tizim orqali 17 460 nafar yoshning imtihon xarajatlari qoplab berildi va bu qariyb 30,3 mlrd soʻmni tashkil qilmoqda, deb maʼlumot bergan Yoshlar ishlari agentligi direktori.

Eʼtiborlisi, mazkur tizimda kompensatsiya olgan qizlar soni bu safar ham yigitlar sonidan koʻp. Ayol-qizlar 9 489 nafarni, yigitlar esa 7 975 nafarni tashkil etgan.