Respublika Maʼnaviyat va maʼrifat markazi rahbari Minhojiddin Mirzo 376-saylov uchastkasi ovoz berdi.

“Bugun, 9-iyul – barchamiz uchun muhim va quvonchli kun. Oʻzbekiston Respublikasi Prezidenti saylovi ona Vatanimizning siyosiy-ijtimoiy hayotidagi eng muhim jarayon hisoblanadi. Vatandoshlarimizning bu jarayondagi faolligi meni toʻlqinlantirdi, gʻururlantirdi. Butun Oʻzbekiston xalqi, 130 dan ziyod millat va elat vakillari, yosh-u keksalarimiz erta tongdan oʻzlarining huquqiy ongi, fuqarolik burchi, maʼnaviyati, mamlakat taqdiriga daxldorlik tuygʻusi qanchalar yuksakligini namoyish qilmoqdalar”, – dedi Minhojiddin Mirzo.

Markaziy saylov komissiyasi maʼlumotlariga koʻra, soat 11:00 holatiga 6 mln 463 ming 874 nafar saylovchi (33,54%) ovoz berishda qatnashgan.