28-iyun – 5-iyul kunlari Oʻzbekiston prezidenti saylovida muddatidan oldin ovoz berish jarayoni boʻlib oʻtdi.

Markaziy saylov komissiyasi maʼlumotiga koʻra, 1-iyul holatida muddatidan oldin ovoz berish imkoniyatidan 376 623 kishi foydalangan. Ulardan 101 031 nafari xorijda ovoz bergan.

Muddatidan oldin ovoz berish uchun 10 784 ta, shu jumladan mamlakatning 39 ta chet davlatlardagi diplomatik va boshqa vakolatxonalari huzurida 56 ta saylov uchastkalari tashkil etilgan.

Bugungi kunga qadar 152 mingdan ortiq oʻzbekistonlik prezident saylovi boʻyicha xorijiy davlatlarda tuzilgan saylov uchastkalari manzillari koʻrsatilgan interaktiv xaritadan foydalangan.