2023-2024 oʻquv yilida xotin-qizlar uchun qoʻshimcha 2000 ta davlat granti asosidagi kvotalarning hududlar kesimidagi taqsimoti tasdiqlandi. Bu haqda Oliy taʼlim, fan va innovatsiyalar vazirligi xabar berdi.

Qayd etilishicha, joriy oʻquv yilida xotin-qizlar uchun eng koʻp kvota Samarqand viloyatiga (227 ta) ajratilgan.

Qoraqalpogʻiston Respublikasi va viloyatlar kesimida kvotalar taqsimoti quyidagicha:

Qoraqalpogʻiston Respublikasi – 111;

Andijon viloyati – 183;

Buxoro viloyati – 112;

Jizzax viloyati – 81;

Qashqadaryo viloyati – 193;

Navoiy viloyati – 60;

Namangan viloyati – 165;

Surxondaryo viloyati – 155;

Sirdaryo viloyati – 50;

Toshkent viloyati – 177;

Fargʻona viloyati – 221;

Xorazm viloyati – 110;

Toshkent shahri – 155.