Kecha, 24-noyabr kuni Alisher Navoiy nomidagi O‘zbekiston Milliy  kutubxonasida O‘zbekiston xalq yozuvchisi Isajon Sultonning "Alisher  Navoiy" kitobi taqdimoti bo‘lib o‘tdi.

Tadbirni Yozuvchilar uyushmasi a’zosi, shoir Shuhrat Orif olib bordi. Unda adabiyotshunos olimlar, yozuvchi-shoirlar, jamoatchilik  vakillari  va  talaba yoshlar  ishtirok  etdi.

Jumladan, filologiya fanlari nomzodi Adhambek Alimbekov, Turkiyaning Anqara shahridagi  Gʻoziy universiteti professori doktor Fotima Achik, O‘zbekiston xalq rassomi Alisher  Mirzayev, filologiya fanlari nomzodi, dotsent Akrom Dehqonov, filologiya  fanlari nomzodi, "Muharrir" nashriyoti bosh direktori Abdug‘afur Iskandar so‘zga chiqib, asarning badiiy qiymati, Isajon Sulton ijodi, Alisher Navoiy shaxsiyati haqda so‘zlab o‘tdilar.

Shundan so‘ng muallif romanning yaralish tarixi haqida gapirdi. Asarni yozish jarayonidagi qiyinchiliklar haqda so‘zlarkan, xayolan Hirotda yashagani, Navoiy obrazini yaratish uchun ko‘plab ilmiy risolalarni o‘rganganini ta’kidladi. Taqdimot so‘nggida kitobxonlar o‘zlarini qiziqtirgan savollarga javob olishdi.