AQSHning Texas shtati gubernatori Greg Ebbott 18 yoshga toʻlmagan bolalarning ota-ona roziligisiz ijtimoiy tarmoqlarda roʻyxatdan oʻtishini taqiqlovchi qonunni imzoladi.

Qonun voyaga yetmagan bolalarning oʻz akkauntlarini yaratishi uchun kelasi yil sentyabrdan boshlab ijtimoiy tarmoqlar tomonidan bolalarning ota-onasi yoki vasiylaridan rozilik olishni talab qiladi.

Kompaniyalarga bolalarning ovqatlanish tartibining buzilishi yoki giyohvand moddalarni isteʼmol qilish bilan bogʻliq boʻlgan zararli kontentlarni koʻrishiga yoʻl qoʻymaslik soʻralgan. Buning uchun kontentlarni filtrlashning yangi tizimlarini yaratish talab etiladi.