30-iyun — Yoshlar kuni munosabati bilan “Yangi nafas”, “Vatan qalqoni” ommaviy yugurish musobaqalari hamda Xalqaro olimpiya kuniga bagʻishlangan Olympic day musobaqasi oʻtkaziladi. Shu munosabat bilan poytaxtdagi bir necha koʻchalar vaqtincha yopiladi.

Poytaxt axborot xizmatiga koʻra, 23-iyun kuni soat 00:00 dan 25-iyun kuni soat 10:00 gacha Afrosiyob koʻchasining Islom Karimov shohkoʻchasi bilan kesishgan chorrahasidan Afrosiyob koʻchasi boʻylab Beshyogʻoch koʻchasi bilan kesishmasigacha boʻlgan qism yopiladi.

25-iyun kuni soat 5:00 dan soat 8:00 gacha:

Afrosiyob koʻchasining Islom Karimov shohkoʻchasi bilan kesishgan chorrahasidan Afrosiyob va Oybek koʻchalari boʻylab Oybek va Nukus koʻchalari kesishmasigacha;

Oybek va Nukus koʻchalari kesishmasidan Nukus koʻchasi boʻylab Rim katolik cherkovigacha boʻlgan qismda avtomobillar harakati cheklanadi.

“Haydovchilarga aylanma yoʻllardan foydalanishni tavsiya etamiz”, — deyiladi xabarda.