Surxondaryo viloyati Uzun tumanida alkogol mahsulotlari sotiladigan doʻkonda yongʻin chiqdi. Bu haqda Favqulodda vaziyatlar vazirligi Matbuot xizmati xabar berdi.

Keltirilishicha, voqea bugun, 20-iyun kuni Uzun tumani “Yangishahar” mahallasi Mustaqillik koʻchasida joylashgan oziq-ovqat doʻkonida yongʻin sodir boʻlgan. Soat 06:26 da viloyat favqulodda vaziyatlar boshqarmasiga xabar kelib tushgan.

Chaqiruvga koʻra, 2 ta yongʻin-qutqaruv ekipaji soat 06:31 da voqea joyiga yetib borib, yongʻin soat 06:33 da oʻrab olingan va soat 06:47 da oʻchirilgan.

Yongʻin oqibatida doʻkonning 12 kvadrat metr maydonida shift qismi yonib zararlangan.

Hech kim tan jarohati olmagani va halok boʻlmagani aytilmoqda.