Toshkent shahridagi dorixonalardan birida yana qalbaki dori vositasi sotilayotgani maʼlum boʻldi. Bu haqda Farmatsevtika tarmogʻini rivojlantirish agentligi axborot xizmati xabar berdi.

Qayd etilishicha, “L-Lizin Essinat Inyeksiya uchun eritma 5 ml” dori vositasi Davlat markazi tomonidan oʻtkazilgan ekspertiza natijalariga koʻra qalbakilashtirilgan dori vositasi ekanligi aniqlangan.

Ushbu dori vositasini muomalasiga chek qoʻyish maqsadida, muvofiqlik sertifikatiga ega boʻlmagan, davlat roʻyxatidan oʻtmagan, qalbakilashtirilgan dori vositasi zudlik bilan muomaladan chiqarilishi hamda dori vositalarining inson sogʻligʻiga zararli taʼsirini tasdiqlovchi faktlar aniqlangan taqdirda muomaladan chiqarish va yoʻq qilish tartibi toʻgʻrisidagi nizomda belgilangan tartibda yoʻq qilinish boʻyicha tegishli koʻrsatma berildi.