“Yangi Oʻzbekiston yoshlari birlashaylik!” shiori ostida boshlangan “Yoshlar oyligi” munosabati bilan bir guruh “Maʼrifat” targʻibotchilari Samarqand viloyatiga yetib kelishdi.

Targʻibotchilar tomonidan Urgut tumanida “Mehr va saxovat” loyihasi tashkil etildi.

Tadbir davomida yordamga muhtoj boʻlgan oila xonadonida boʻlib ularning holidan xabar olishdi. “Maʼrifat” targʻibotchilar jamiyati aʼzolari tomonidan oilaga sovgʻalar ulashildi.

Shu bilan birga mazkur loyiha Nurobod tumani “Poʻlatchi” mahalla fuqarolar yigʻinida ham tashkil etildi.

Tadbir davomida “Maʼrifat” targʻibotchilar jamiyati aʼzolari Rahmatova Oʻgʻiloy xonadoni holidan xabar olishdi. Oilaga sovgʻalar ulashildi.

Shuningdek loyiha doirasida Maʼrifat targʻibotchilari aʼzolari Narpay tumanidagi mahallalarda “Ayollar daftari”ga kiritilgan oilada mehmon boʻlib, ularning holidan xabar oldilar.