Yangi tug‘ilgan bolani farzandlikka olgan yoki unga vasiy qilib belgilangan xodimga 56 kalendar kun (bir vaqtning o‘zida 2 yoki undan ortiq bola farzandlikka olingan taqdirda esa 70 kalendar kun) o‘tguniga qadar taʼtil beriladi.

Bunda xodimga o‘rtacha oylik ish haqining 75 foizidan kam bo‘lmagan miqdorda nafaqa to‘lanadi.

Yangi tug‘ilgan bolani farzandlikka olgan yoki unga vasiy qilib belgilangan xodimning yozma arizasiga ko‘ra, xodimga bola 2 yoshga to‘lguniga qadar bolani parvarishlash taʼtili beriladi.

Ushbu davr uchun Vazirlar Mahkamasi tomonidan belgilangan tartibda nafaqa to‘lanadi, shuningdek bola 3 yoshga to‘lguniga qadar ish haqi saqlanmaydigan taʼtil ham beriladi.