O‘zbekiston Milliy kinematografiyani rivojlantirish markazi Boshqaruv kengashining yig‘ilishi qaroriga asosan Furqat Usmonov Markaz direktori etib saylandi.

Bunga qadar u Hujjatli va xronikal filmlar kinostudiyasi direktori lavozimida ishlab kelayotgan edi.

Ma’lumot uchun, Furqat Usmonov bir qator hujjatli filmlar muallifi va rejissyori hisoblanadi. Uning muallifligidagi  “Xalq yuragi”, “Alisher Navoiy”, “Abdulla Oripov”, “Mustahkam” kabi filmlar O'zbekiston kinoteatrlari va telekanallari orqali ko‘p marotaba namoyish etilgan bo‘lsa, “Inson” hujjatli filmi turli xalqaro kinofestivallarda e’tirof etilib, oliy mukofotlarga sazovor bo‘lgan.