“InnoWeek-2021” Xalqaro innovatsion gʻoyalar haftaligi doirasida Innovatsion rivojlanish vazirligi tomonidan Putin eʼtiboriga tushgan qizlar taqdirlandi. Bu haqida Innovatsion rivojlanish vazirligi matbuot xizmati xabar bermoqda.

Innovatsion rivojlanish vazir oʻrinbosari Sh.Turdiqulova haftalik doirasidagi “Sunʼiy intellekt — texnologik rivojlanish asosi” mavzusidagi xalqaro konferensiyada “IT Queens” jamoasi qizlarini sahnaga taklif qilgan va ularga esdalik sovgʻalarini topshirgan.

Eslatib oʻtamiz, “IT Queens” jamoasi qizlari “Rossiya 24” telekanalida Rossiya Federatsiyasi prezidenti Vladimir Putin ishtirokida oʻtkazilayotgan “Sunʼiy intellekt olamiga sayohat” mavzusidagi “Al Journey 2021» xalqaro konferensiyasida Oʻzbekiston nomidan ishtirok etishgan. Ular konferensiyada Deepfakeʻlarni aniqlash boʻyicha yechimlarni namoyish etib, Vladimir Putin eʼtiboriga tushgan edi.