Qayd etilishicha, “Toshshahartransxizmat” AJ harakat tarkibining yangilanishi, yoʻnalishlarga yangi, katta va oʻta katta sigʻimli avtobus va elektrobuslarning chiqarilishi natijasida shahar jamoat transporti xizmatidan foydalanuvchilar soni ortib bormoqda.

Xususan, yoʻlovchi tashuvlari joriy yil may oyida 63 foizga oshib, kunlik 782 ming nafar yoʻlovchini tashkil etgan. Oʻtgan yilning shu davrida ushbu koʻrsatkich 478 ming nafarni tashkil etgan.

Joriy yil may oyida kunlik yoʻnalishga chiqarilgan avtobuslar soni 40 foizga oʻsib, 1 330 taga yetgan, 2022-yilning shu davrida esa bu raqam 806 tani tashkil etgan.

2023-may oyida amalga oshirilgan kunlik qatnovlar soni 60 foizgacha oshib, 16 741 tani tashkil etgan. 2022-yilda ushbu koʻrsatkich 10 424tani tashkil etgan.