Statistika agentligi maʼlumotlariga koʻra, 2023-yil yanvar-may oylarida 2,6 mln nafar chet el fuqarolari turistik maqsadlarda Oʻzbekistonga tashrif buyurgan.

Oʻzbekistonga 5 oyda fuqarolari eng koʻp tashrif buyurgan davlatlar roʻyxatida Tojikiston (797,8 ming nafar) birinchi oʻrinda.

Keyingi oʻrinlardan esa Qozogʻiston (656,5 ming nafar), Qirgʻiz Respublikasi (649,5 ming nafar), Rossiya (279,8 ming nafar), Turkiya (39,5 ming nafar), va Turkmaniston (21,2 ming nafar) joy olgan.

Shuningdek, joriy yilning yanvar-may oylarida Koreyadan 12,4 ming, Hindistondan 12,3 ming, Xitoydan 9,6 ming hamda Germaniyadan 9,5 ming nafar sayyoh Oʻzbekistonga kelgan.