Markaziy saylov kommisiyasining xabar berishicha, bugun O‘zbekiston Respublikasi Oliy Majlisi Senatida bo‘shab qolgan o‘rinlar uchun saylov bo‘lib o‘tdi.

Surxondaryo viloyat, Termiz shahridagi Yoshlar markazi binosida xalq deputatlari viloyat, tuman va shahar Kengashlarining qo‘shma yig‘ilishi bo‘lib o‘tdi. Unda Markaziy saylov komissiyasi Raisi Z.Nizamxodjayev ishtirok etdi.

Saylov yashirin ovoz berish yo‘li bilan amalga oshirildi. Saylov natijalariga ko‘ra Surxondaryo viloyati hokimi Ulug‘bek Qosimov Oliy Majlis Senati aʼzoligiga saylandi.

Ulug‘bek Qosimov 2022-yil dekabrda lavozimidan ozod etilgan To‘ra Bobolovning o‘rniga Surxondaryo viloyati hokimi bo‘lib kelmoqda.