11—17-iyun kunlari Xiva shahrida Maktabgacha va maktab taʼlimi vazirligi tomonidan ilk marotaba Abu Rayhon Beruniy nomidagi xalqaro kimyo olimpiadasi tashkil etiladi.

Ushbu olimpiadada Germaniya, Turkiya, Ozarboyjon, Hindiston, Vyetnam, Jazoir, Braziliya, Belarus, Rossiya, Qozogʻiston, Oman sultonligi, Gruziya, Turkmaniston, Qirgʻiziston, Tojikiston kabi mamlakat oʻquvchilari ishtirok etadi.

Urganch xalqaro aeroportida Xalqaro kimyo olimpiadasi ishtirokchilarini kutib olish boshlangan. Bir muddat oldin Ozarboyjon, Rossiya, Qozogʻiston, Tojikiston, Hindiston, Turkiya davlatlaridan kelgan 60 dan ortiq ishtirokchi oʻquvchi-yoshlar hamda ularning ustozlari Xorazm viloyatiga yetib kelishdi.