Xorazm viloyati Yangibozor tumanida «Ma’naviyat va ma’rifat maskani» foydalanishga topshirildi. Unda «IT markaz» va Axborot kutubxona markazi faoliyati yo‘lga qo‘yilib, zamonaviy jihozlar bilan ta’minlangan.

Kutubxona 150 mingdan ziyod kitoblar, zamonaviy o‘quv zali, katta hajmdagi led monitor va bepul internetga ega. Bu esa tuman aholisining kitobxonlik madaniyati shakllanishida muhim ahamiyat kasb etadi.

Hozirda kutubxonaga kuniga 200 nafardan ortiq kitobxon tashrif buyuryapti.

Shuningdek, tuman Istirohat bog‘iga Alisher Navoiy, Abu Ali ibn Sino, Temur Malik, Al Xorazmiy, Beruniy, Zamahshariy, Mirzo Ulug‘bek kabi allomalarimiz va tarixiy qahramonlarimizning byustlari o‘rnatildi.

Raxmatjon MATYUSUPOV,
Respublika Ma’naviyat va ma’rifat markazi
Xorazm viloyati Yangibozor tumani
bo‘linmasi rahbari