AQSHning Los-Anjeles shahrida “Cine Gear Expo 2023” texnologiya, koʻngilochar va media sanoati xalqaro koʻrgazmasi boʻlib oʻtdi.

Mazkur tadbir kino va televideniye havaskorlari hamda professionallari uchun moʻljallangan boʻlib, unda yangi texnologiyalar bilan tanishish, qisqa metrajli filmlarni tomosha qilish mumkin.

Tanlovda “9999” studiyasi Ozodbek Nazarbekovning “Mendirman” qoʻshigʻiga suratga olingan videoklipi bilan “Musiqiy va qisqa metrajli filmlar” nominatsiyada ishtirok etib, “Eng yaxshi klip” sifatida eʼtirof etildi. Rejissyorlar Nodir va Xurshid Sobirovlar tomonidan ishlangan ushbu klip mutaxassislar va tomoshabinlarda katta taassurot qoldirgan.