Toshkent shahrining Sergeli va Yangihayot tumanlarining ayrim hududlarida ichimlik suvi bir kunga toʻxtatiladi.

“Oʻzsuvtaʼminot” axborot xizmati xabar berishicha, Sergeli tumani Qipchoq (Xonobod) koʻchasi boʻylab TXAY dan Fayzli koʻchasigacha boʻlgan hududda yerusti metrosi qurilish jarayonida 5-iyun 09:00 dan 6-iyun 09:00 gacha D-1000 mm tarmoqlarini koʻchirilishi sababli ichimlik suvi vaqtincha toʻxtatiladi.

Sergeli tumani boʻyicha:

“Daryo boʻyi”, “Fayzli”, Jaloir”, “Qipchoq”, “Sugʻdiyona” mahallalarida. “Rersi”, “Moʻtabar”, “Paxta tola”, gʻisht ishlab chiqarish, keramika zavodlarida, bojxona omborida. “Sofdil” MFY G-40 mavzesi, “Oʻzgarish” MFY Sergeli-5 mavzesi. “Habibiy” MFY Sergeli-5 mavzesi, “Mehrigiyo” MFY Sergeli-6 mavzesi, “Yangi Sergeli” MFY Sergeli 8 mavzesi, “Ezgulik” MFY Sergeli 8a mavzesi, “Madadkor” MFY Sergeli 7 mavzesi, “Ziynat” MFY Sergeli 7 mavzesi, “Ittifoq” MFY Sergeli 2 mavzesi, “Nilufar” MFY Sergeli 2 mavzesi, “Bunyodobod” MFY, “Yangi Bunyodobod” MFY Sergeli-6 A mavzelarida.

Shu bilan birga mazkur hududdagi barcha davlat va nodavlat muassasalarda, har xil turdagi ishlab chiqarish va xizmat koʻrsatish obyektlarida ham ichimlik suvi toʻxtatiladi.

Yangihayot tumani boʻyicha:

“Qipchoq”, “Yoʻldosh”, “Al-Fargʻoniy”, “Viqor”, “Olchazor” MFY 10-hudud, “Doʻstlik”, “Chortoq”, “Charogʻon”, “Toshkent”, “Ibrat”, “Iqbol”, “Humo”, “Yangi Umid” MFY Sergeli 5A, “Yorqin hayot”, “Oriyat” 8-hudud, “Marhamat”, “Gulshanobod” 9-hudud, Teri-tanosili shifoxonasi, Oʻlikxona, Yangihayot tumani hokimiyati, Non ishlab chiqarish korxonasi, 1-sonli tugʻruq kompleksi, metall zavodi, 12-avtobus saroyi, KNS, “Grin park” bogʻi.

Shu bilan birga mazkur hududdagi barcha davlat va nodavlat muassasalarda, har xil turdagi ishlab chiqarish va xizmat koʻrsatish obyektlarida ham ichimlik suvi toʻxtatiladi.

Ichimlik suvi vaqtincha toʻxtatilgan manzillarga maxsus texnikalarda suv yetkazib beriladi.