25-may kuni Fargʻona viloyati Qoʻshtepa tumanida maktab bitiruvchisi Katta Fargʻona kanalida choʻkib ketdi. Bu haqda Bu kun dasturida xabar berildi.

Oʻsha kuni tumandagi maktablarning birining bitiruvchilari “Paxtakor” mahallasi hududidan oqib oʻtadigan Katta Fargʻona kanaliga choʻmilish maqsadida borgan. Ulardan biri esa choʻmilish vaqtida suvdan qaytib chiqmagan.

Voqea joyiga FVBning maxsus vazifalarni bajaruvchi mintaqaviy qutqaruv otryadi suvda qidiruv-qutqaruv guruhi yetib kelgan. Hozirda xodimlar voqea joyida qidiruv ishlarini amalga oshirmoqda.

Qayd etilishicha, Janubiy Fargʻona kanali choʻmilish havzasi emas, kanal qirgʻoqlarida choʻmilish taqiqlanishi aytilgan belgilar ham mavjud.