Qoraqalpogʻiston tibbiyot instituti klinikasida gospital turdagi “Mehrli maktab” filiali ochildi. 26-may kuni maktabga Ziroat Mirziyoyeva tashrif buyurib, bu yerda yaratilgan sharoitlar bilan tanishdi, bolalar bilan samimiy suhbatlashib, pedagoglar va ota-onalar bilan muloqotda boʻldi.

“Mehrli maktab” — taʼlimdan, kim qanday vaziyatga tushib qolganidan qatʼi nazar, barcha bahramand boʻlishi mumkinligiga yorqin misol. Bu yerda uzoq vaqt davomida davolanayotgan hamda oddiy maktab yoki bogʻchaga qatnash imkoniyati boʻlmagan bolalar bilim olmoqda va tarbiyalanmoqda. Ular reabilitatsiya jarayonidan ham shu yerning oʻzida ota-onalari ishtirokida oʻtadilar.

Zamin Foundation

Zamin Foundation

Yil yakuniga qadar “Mehrli maktab” filiallari Andijon va Fargʻonada ochiladi.