Terisi eng koʻp karbon kislotalarni chiqaradigan odamlar chivinlarni koʻproq oʻziga jalb qiladi. Olib borilgan tadqiqotlardan soʻng Baltimordagi Jon Xopkins universiteti olimlari guruhi shunday xulosaga kelgan.

Tadqiqotchilar tajriba oʻtkazish jarayonida bir necha kecha-kunduz ketma-ket 200 ta chivinni qoʻyib yuborishdi. Odam terisiga oʻxshash hid chiqaradigan maxsus yostiqchalarga chivinlarning munosabati infraqizil kameralar vositasida kuzatilgan.

Maʼlum boʻlishicha, faollikning eng yuqori choʻqqisi — soat 22:00 dan 02:00 gacha boʻlgan davrda chivinlar yostiqchalarga qoʻnishni afzal koʻrgan. Boisi odatda teri mikroblari koʻproq karbon kislotalari ishlab chiqaradi. Chivinlarni evkalipt hidi kamroq oʻziga tortgan.