Oʻzbekistonda davlat tashrifi bilan boʻlib turgan Singapur prezidenti Halima Yoqub payshanba kuni Samarqandga bordi.

Samarqand viloyati hokimligi matbuot xizmatining xabar berishicha, oliy martabali mehmon Afrisoyob tezyurar poyezdida qadimiy shaharga yetib keldi. Unga Oʻzbekiston bosh vaziri oʻrinbosari Zulayho Mahkamova hamrohlik qilmoqda.

Vokzalda Singapur prezidentini viloyat hokimi Erkinjon Turdimov kutib oldi.

Eslatib oʻtamiz, Singapur prezidenti Uzbekistan Airways milliy aviakompaniyasining muntazam reysi bilan Ostonadan Toshkentga uchib kelgandi.