2021-yilning 10 oyida 415 ming dona “Atto” transport kartalari yo‘lovchilar tomonidan harid qilingan. Uni to‘ldirish uchun esa aholi tomonidan jami 62, 2 mlrd so‘m sarflangan.

“Atto” bosh direktori Uyg‘un Xoljigitovning aytishicha, mahalliy aholi “Atto” kartochkalaridan tashqari, “Xumo” va “Uzkart” orqali ham to‘lov qilmoqda. Shuningdek, endilikda sayyohlar “Viza” kartasi orqali transportga to‘lov qilishlari mumkinligini aytib o‘tdi.

Shuningdek, Toshkent metropolitenida FaceRay tizimi sinovdan o‘tkazilmoqda. Uning yordamida yo‘lovchi shunchaki validatorga qarab yo‘l haqi uchun to‘lov qilishi mumkin. Buning uchun foydalanuvchi o‘z yuzini skanerlashi va uni transport yoki bank kartasi ma’lumotlari bilan birga ma’lumotlar bazasiga kiritishi kerak bo‘ladi.