Saroy oldidagi maydonda Xitoy tarixi va madaniyatini aks ettirgan sahnalashtirilgan chiqishlar va konsert dasturi namoyish etildi. Shu bilan “Markaziy Osiyo va Xitoy xalqlari madaniyati va sanʼati yili”ga start berildi.

2022-yilda Oʻzbekiston Prezidenti Shavkat Mirziyoyev Markaziy Osiyo va Xitoy davlat rahbarlarining videoanjuman shaklidagi uchrashuvida 2023-yilni “Markaziy Osiyo va Xitoy xalqlari madaniyati va sanʼati yili” deb eʼlon qilishni taklif etgan.

Markaziy Osiyo davlatlari va Xitoyda bu yil asosiy eʼtibor akademik va talabalar almashinuvi dasturlariga, yoshlar forumlari va sport musobaqalarini oʻtkazishga qaratiladi.