Toshkent shahar hokimi Shavkat Umurzoqovning jamoat va diniy tashkilotlar bilan aloqalar bo‘yicha o‘rinbosari Alimardon Elomonovich Qarshiyev lavozimidan ozod etildi. Bu bo‘yicha kecha, 17-may kuni Xalq deputatlari Toshkent shahar kengashining tegishli qarori qabul qilingan.

Qayd etish mumkin, Alimardon Qarshiyev 2019-yil may oyidan buyon ushbu lavozimda ishlab kelgan.

Uning o‘rniga Toshkent shahar hokimining jamoat va diniy tashkilotlar bilan aloqalar bo‘yicha o‘rinbosari lavozimiga Abdulvosid Ahmadjonovich Homidjonov tayinlangan.