Statistika agentligi Oʻzbekistonda oʻzlashtirilayotgan xorijiy investitsiyalar hajmida qaysi davlatning ulushi yuqoriligini maʼlum qildi.

Maʼlumotlarga koʻra, 2023-yilning yanvar—mart oylarida Oʻzbekistonda asosiy kapitalga oʻzlashtirilgan investitsiyalar hajmi 56,6 trillion soʻmni tashkil etgan. Shundan asosiy kapitalga oʻzlashtirilgan jami xorijiy investitsiya va kreditlar 25,1 trillion soʻm miqdorida qayd etilgan.

Oʻzlashtirilgan jami xorijiy investitsiya va kreditlar hajmida eng yuqori ulushga ega boʻlgan investor davlatlar:

Xitoy – 19,9 foiz;
Rossiya – 15,7 foiz;
Saudiya Arabistoni – 13,5 foiz;
Turkiya – 6,1 foiz;
Kipr – 5,4 foiz;
Germaniya – 3,3 foiz;
Shveysariya – 3 foiz;
Singapur – 2,9 foiz;
Gonkong – 2,8 foiz;
Buyuk Britaniya – 2,7 foiz.