Toshkent shahar Chilonzor tumanidagi bog‘cha rahbari lavozimidan ozod qilindi. Bu haqda Maktabgacha va maktab ta’limi vazirligi xabar bermoqda.

Qayd etilishicha, Chilonzor tumanidagi 230-maktabgacha ta’lim tashkiloti direktori bog‘cha hududiga begona shaxsni kirishiga yo‘l qo‘yib berganligi, tarbiyalanuvchi bolalar hayotini xavf ostiga qo‘yganligi, ichki mehnat tartib-qoidalarini buzganligi va o‘z xizmat vazifasiga mas’uliyatsizlik bilan yondashganligi sababli u bilan tuzilgan mehnat shartnomasi O‘zbekiston Mehnat kodeksining 161-moddasi ikkinchi qismi 5-bandiga asosan bekor qilingan.

Ma’lum qilinishicha, ayni damda holat yuzasidan Jinoyat kodeksining 25-moddasi orqali 119-moddasi bilan jinoyat ishi qo‘zg‘atilgan.